พรมน้ำพุทธมนต์ไล่ผี

น้ำบ่อนี้น้ำบ่อใสเย็น  น้ำบ่อนี้เป็นน้ำบ่อแก้ว  สรงเจ้าแล้วเข็ญเคราะห์ดับหาย  

ผีหน้าลายให้ไปอยู่ถ้ำ  ผีเงือกน้ำอย่าได้มาซูน  ผีบ่คูณให้ผีขาห่าน  

ผีบ่ย่านให้ผีตาโล  พุทโธผีตาโลให้ย่าน  ธรรมโมผีขาห่านให้สูญ  สังโฆผีบ่คูณให้ป่วย  

ผีอยู่ห้วยให้ไปอยู่ภูผา  ผีอยู่นาอย่าได้มากินไก่  ผีอยู่ไฮ่อย่าได้มากวน  

ผีอยู่สวนเห็นเจ้าให้ไหว้  ผีโตฮ้ายเห็นเจ้าให้ให้ยอม  ผีโตผอมเห็นเจ้าให้แล่น  

ผีหัวแก่นเห็นเจ้าให้กลัง  ผีกินงัวให้ผีฮ้อนไส้  ผีกินไก่ให้ผีเป็นซาง  

ทางผีนำ ถ้ำผีอยู่ ภูผีปู่ดงหลวงดงลานพู้นเด้อ