บทกลอนแหล่อีสาน แหล่อวยพร กลอนที่สอง

   

บทกลอนแหล่อีสาน   แหล่อวยพร กลอนที่สอง

บัดนี้...ฉันจะโฆษณาให้   มหาชนคนมาก

มื้อนี้บุญครึกครื้น                  คนล้นเจ้าหลั่งมา

มีทั้งคนชราเฒ่า                   หัวขาวฟันหล่อน

แม่ลูกเต้าเล่าอ่อน

พากันอุ้มลูกน้อย                  ตาจ้องเบิ่งแต่งาน

บ่มีไผสิเฝ้าบ้าน                    โจรสิรักเอาของ

คนจองหองใจมาร                มากมายกะหลายล้น

แต่ว่าคนที่มาในงานนี้            ล้วนแต่คนดีๆ

ใจกว้างพอปานท่ง                ความประสงค์ 

อยากทำบุญแท้ๆ                  คราวนี้ก็จึงมา

ขอให้พากันน้อม                  โมทนาตักบาตร

ฉันสิแถมพรให้                    หวานจ้อยอร่อยหู

พวกผู้สาวกะอย่าได้เพลินแต่นำชู้ เอาหูฟังให้ตั้งเทียง

เสียงบ่ไพเราะล้วน                อย่าเตียนต้านต่าวขวัญ

ขอให้ชวนกันสร้าง                ทำทานบริจาค

ถ้าอยากขึ้นสวรรค์ฟ้า            สตางค์แบงก์ให้ป่อนมา

นั้นหละเด้อ..กะโยมเอ้ย...

#บทกลอนแหล่อีสาน  #คำกล่าวแหล่อีสาน #กลอนแหล่อวยพร