คำร้องแหล่อวยพร กลอนบทที่ 5
คำร้องแหล่อวยพร กลอนบทที่ 5
บัดนี้...มาอีกแล้ว
คุณพ่อผู้มาทาน ใจบริการได้ทอดทานวันนี้
มีปัจจัยมารวม ทำบุญก็หลายบาท
โอยฉันสิยอยกให้ พระพรชัยสิแถมส่ง
ก่อนเด้อ..พ่อเด้อ คืออายุ วรรณโณ
สุขัง พลัง ทั่งสี่ข้อ สิถวยเจ้าผู้เพิ่นทาน
อายุนั้น ให้เจ้าอายุยืน ยาวหมั่นพันปีให้ตั่งอยู่
อย่าได้ขูเหียวแห่ง ตายถิ่มก่อนเขา
ให้ได้เลี้ยงลูกเต้า ตลอดปู่หลานเหลน
อับปางเวร กะอย่าได้มีมาใกล้
วรรโนนั้น ให้มีสีใสส่อง
งามคือทอง ปานสิยกยาดย้อย อย่ามีเศร้าเก่าธุลี
สุขีนั้น สุขังกะหากแม้น
ขอให้สุขอยู่ล้วน ภัยต้องกะอย่ามี
สุขอยู่ในโลกนี้ สรรพสิ่งเงินทอง
ให้ได้ครองสมบัติ จ่ายไปอย่ามีฮ้อน
ความสอพออย่าใกล้ ความจังลัยกะอย่าได้เข้ามาฮ้วม
ความสุขอยู่ในโลกนี้ อย่ามีเปียงเปรียนตาม
การที่ไปทางหน้า อนาคตานั้นชาติใหม่
ให้ได้ขึ้นบันได เมืองสวรรค์ชั้นฟ้า
สนุขยิ่ง อยู่วิมาน..พุ้นหละเด้อ...เด้อพ่อเด้อ...นอ
**********************************
#คำกล่าวแหล่อวยพร #แหล่อีสาน #แหล่อวยพร อีสาน #หัดแหล่อีสาน #เทศน์แหล่อีสาน
0 ความคิดเห็น