บทกลอน เทศน์แหล่อีสาน   ลาวดีหัวใจสะลาย  ลาตาย จากหลวงพี่เรวตะ


บัดนี้   ..... ในตอนนี้ ลาลง หายใจถื่อสุดท้ายกำลังแลน  เข้ามาถึงหน่อหลวงพี่น้อ

คงบ่ถึงนานโดน  ได้พบกันกะดีแล้ว  ลาวดีมีแล้วว่า  เผยสำเนาต่อหลวงพี่ ...

หลวงพี่เอ่ย  ตอนที่กรุงสาวิถี  บุปผารามครั้งนั้นต้องมีเรื่องต้องหา  

ก่อนหลวงพี่ซิหนีมา  นางได้รับจดหมายน้อย  ที่เค้าปลอมใส่หลวงพี่

หาว่าน้องลาวดีเป็นคนเขียนวาดข้อ  ขอร้องซิแต่งงาน   สุวัฒนกุมารเป็นคนแจ้ง

หาแนวทางหลอกหลวงพี่    หลวงพี่เอ๋ยสำหรับน้อง  ลาวดีกะได้รับจังซั่นจดหมายน้อยกะดั่งกัน

ในข้อความ  จดหมายนั้น ว่าหลวงพี่เป็นคนเขียน   หลวพี่เอ๋ย...

เค้าพรากเพียรน้อหาทำ  ซิแต่งงานน้อกับน้อง    เฮาทั้งสองบ่ทั้งแจ้ง ความเป็นจริงอย่างถ้วนถี่

 หลวพี่เอ๋ย หลวงพี่ฝ่าวลักหนี   ลาวดีบ่ได้แจ้ง  จนไกลฮ้างห่างสักคืน    แห่งหลายวันกะแห่งยื่ด

นางจึงบวชติดตาม ตอนนี้สองความรัก ได่พักลงแต่เพียงนี้    หลวงพี่เอ๋ย...

หลวงพี่เอ๋ย อภัยลาวดีบ้าง    นางมีกรรมสร้างต่อ รักพอได้ก็บ่ได้มีแนวข้องเรื่องขวง 

ก่อนความรักที่เปิดกว้าง   น้องแจ้งว่าซิเอาเขา  ว่าเรื่องจริงอันจอมอนั้น  ฉันกะเลยประจักษ์ฮู้

ว่าสุวัฒนกุมาร  เป็นคนเขียนดอกยุ่แหย่    หลวงพี่เอ๋ย  โปรดอภัยอิฉันนี้   หากเถิอผิดพลาดผัง หลายข้อต่อคดี

หลวงพี่เอ๋ย....คิดว่าในชาตินี้  เราได้ฮวมเพียงวาจา   ลาวดีซิขอลาเอ๋ย...........

ลาวดีซิขอลา บ่อยู่ยืนน้อไปได๋...  สมหัวใจอิฉันแล้วแนวได๋ๆๆ ได้แจ้งแหย่  แถมรอยยิ้งฝากไว้

อะลัยล้นลื่นประมาณ  มนต์เฮ็ดทานหาฉันบ้าง บัดนางตายสะลายลาง   

โปรดนำข่าวของนาง ไปบอกพี่น้องทางบ้านแน้เด้อ   หลวงพี่เอ่ย.... ต่อจากนี้  

นางซินอนน้อบ่พื้น บ่จักตื่นมื่อตา ทั้งกายาอินทรีย์ป่นสะลายดอกลงแล้ว

แนวความตายมาถึงแล้ว  บ่มีวันพ้อหลวงพี่    หลวงพี่เอ่ย อยาซิลืมลาวดีผู้ฮักจริงฮักแท้โปรดจำไว้ซื่อดิฉัน


ลาวดีซิยืดมั่นในความฮักเหนือชีวิต  แม้ซิตายเป็นผีกะบ่ลืมหลวงพี่   รักมีกรรมจำต้องฮ้าง  ขอเดินทางก่อนหลวงพี่

อย่าซิลืมลาวดี  ผู้รักจริงรักแท้  จำเอาไว้น้องสั่งลา    หยาดน้ำตาหยดสุดท้าย

ฝากไว้ด้วยความห่วง  ฝากไว้ด้วยความหวง จากดวงใจดวงน้อยๆ  

วิญญาณน้อยจากลา บ่มีเมื้อซิอวยมา  กรรมเอ่ยเวรเอ๋ย........







#กลอนแหล่ #เทศน์แหล่อีสาน #หัดลำหัดแหล่#บทกลอนแหล่# แหล่อีสาน #บทกลอน#พระเทศน์แหล่#เเทศน์แหล่อีสาน เรื่อง ลีลาวดี นักเทศน์ดังม่วนๆ#เนื้อกลอนแหล่#เทศน์ แหล่ มือถือสาก ปากถือศีล#เทศน์แหล่ ปรยุกต์#เทศน์ แหล่#ฟังพระเทศน์สียง #เทศน์แหล่ลาว #ฟังแหล่