ลำนิทานพื้นบ้านประยุกต์ ตอน กาดำฮ้อยดอกไม้
ศิลปิน สุนทร ชัยรุ่งเรือง (แกะ MrSoonking)

     
       **นับแต่ท้าวก่ำน้อยอยู่นำย่าแพงศรี บ่มีเคืองแนวใดม่วนในใจฮ้าย มื้อหนึ่งยายลาวฮ้อยมาลาดวงกลิ่น เพื่อถวายภูมินทร์กับลุนนีมิ่งเหง้าคือเค้าเก่ามา ส่วนว่าท้าวก่ำพร้าจึ่งขอย่ายายทำ นำไปถวยลุนนีคู่บุญเคยค้ำ ดูว่างามเหลือล้ำทำเป็นหลายดอก แทบสิบอกบ่ได้  

      ดวงไม้ต่างทำ ว่าท่อนั้นเลยแต่งแปลงจัด มีไปสารพัดนี้พ่องงามแปลงล้น จนยายเหลียวแลจ้อง    
   
      มองดูแปลกต่าง บ่ชนะสิอ้าง  บาฮ้อยแต่งยอย ท้าวก่ำน้อย        ชมชื่นหรรษา ดวงมาลาสวยจริง     ชื่นทรวงบาท้าว


***เอาเด้อ  กาดำฮ้อยมาลาดวงค่า จั่งว่างามเลิศฟ้า        ทำได้สุอัน ฮ้อยดอกนี้แล้วกะฮ้อยดอกนั้น      สรรแต่งบุปผา ปานเทวาลงจัด    

        ค่องงามหยดย้อย เอาเข็มฮ้อยเป็นยอยเต็มติ่ง ไผได้         แลหล่ำสิ่งหลิงแล้วชื่นบาน ฮูปหนึ่งนั้นฮูปท้าวพลัดพรากบ้านไหลล่องลงแถ ตามกระ      

       แสวังเวิน   เวิ่นมานำน้ำ ฮูปหนึ่งนั้นแม่นฮูปโฉมงามท้าวเฮียงลุนเนื้ออุ่น       เอามือซูนต่อยต้องนมน้องเหนี่ยงกำ แถมจูบซ้ำแก้มอุ่นทูนหัว บ่ได้กลัวอาญาจั่งใดเด้เจ้า ยายสวนเฒ่าว่างามนองามนอ จั่งแม่นงาม

        กะด้อหลานน้อยย่าเอย ยิ้มเป้ยเป้ยปากเอ่ยชมศิลป์ ต่อให้เบิดแดนดินบ่งามคือท้าว บาบุญห้าวเห็นยายย่องตื่ม    มีอาการปลาบปลื้มเทิงยิ้มอิ่มทรวง 
      
      ท้าวกล่าวท้วงวอนย่าเสียงใส ว่าให้ยายนำไปยื่นถวยนางน้อย สอยวอยหน้าถามหาบอกแหน่ บอกว่าข้อยเที่ยงแท้คนฮ้อยแต่งมา ย่าด่าป้อยท้าวก่ำบุญศรี มีวจีเป็นกลอน สั่งสอนนำพร้อม
    
      จอมสวนเจ้าบายเอาดวงดอก ออกจากสวนพระเจ้าเดินเข้าสู่วัง บุญแต่ครั้งปางเก่าคอยหนุน จั่งได้ลุนเทียมสองสู่เชยชมซ้อน นอนนำน้องลุนนีล้ำค่า วาสนาจ่องน้าวดึงเข้าฮ่วมเตียง ท้าวก่ำเกลี้ยงได้อุ่นลุนนี อวสานพอดีเรื่องกาดำน้อย